په شیکاګو کې د حلال خوړو ۲۰۲۵ نندارتون
یکنانیوز د «totalfood» له قوله راپور راکوي، د شیکاګو حلال نندارتون او کنفرانس به د متحده ایالاتو او نړیوالو مخکښو حلال شرکتونو له پراخ هرکلي سره مخ شي، چې د خپلو محصولاتو او خدماتو د نندارې، د صنعتي همکارانو سره د اړیکو جوړولو او نوو سوداګریزو فرصتونو موندلو ته لیواله دي.
د متحده ایالاتو حلال بازار د خوړو، څښاک، کاسمیټکس، مالي چارو، ګرځندوی او نورو برخو کې د پام وړ وده تجربه کوي، چې د نوښت او سوداګرۍ پراختیا لپاره پراخ فرصتونه برابروي. دا کلنۍ پیښه د حلالو جایزو په معتبرو مراسمو کې د غوره حلال شرکتونو ستاینه کوي.
د شیکاګو حلال اکسپو بنسټګر مروان احمد وايي: «مونږ د ۲۰۲۵ حلال نندارتون او کنفرانس په نوي او لوی ځای کې د حلال سکټر د سترې ودې د منلو لپاره ډېر خوښ یو. په متحده ایالاتو او نړۍ کې د شرکتونو لیوالتیا تر بل هر وخت زیاته ده، چې د حلالو محصولاتو او خدماتو د نفوذ او غوښتې وده په بېلابېلو صنعتونو کې ښئي.»
https://iqna.ir/fa/news/4302372
